Dai ni na laban shani hta Madu Yesu sumsing lamu de lung wa ai poi hpe anhte galaw nga ga ai. Shinggyim masha a hkum hkrang hpe dagraw la nna Karai Kasang a Mungdan lam hkaw tsun ai, nni hkri yu bak hpe hkam ai, wudang ntsa hta jen noi si hkrum ai hte bai hkrung rawt wa nna sumsing lamu de bai lung wa ai re.
Madu Yesu gaw, Kawa Karai Kasang matsun madun ai lam hpe kangka ai hte hkan shatup galaw sa nna, sumsing lamu de lung wa ai ngu ai gaw Shi a magam bungli hpe hpung dim dat ai, shi a magam bungli awng dang ai ngu mung sawn la mai nga ai. Kawa Karai Kasang kaw nna yu hkrat wa nna Shi hpang de bai du wa ai gaw magam bungli langai hpe shangut shakre ai lam rai nga ai.
Anhte galaw sa ai magam bungli ni hpe Karai Kasang matsun madun ai hte maren kangka ai hte ngut kre ai du hkra galaw la lu ai n-gun atsam dai ni na poi nhtoi hpe galaw ai a marang e hkam la lu u ga.
No comments:
Post a Comment