Madu Yesu gaw Petru, Yawhan, Yaku hte hpe woi nna, akyu hpyi na nga, dai bum de lung wa ai. Shi akyu hpyi nga yang shi a myiman gaw ahpraw asam lai nna, shi a hpun palawng mung hpraw tu ai hte kabrim kabram rai wa lu ai. Madu Yesu gaw shi a ahpraw asam galai ai a marang e shi gaw kadai re ai hpe shi a sape ni hpe asan sha chye na tsun mayu ai lam re nga ai. Bai, Shi gaw anhte masha ni hpe hkye la na matu nni nhkri mung Shi hkam la ra na rai nga. Raitim Shi gaw sat kau hkrum ai hpang masum ya nhtoi hta bai hkrung rawt wa na re ai lam hpe shi a sape ni hpe chye na shangun mayu ai rai nga ai. Dai majaw anhte mung prat hta e hkrum ai lam mahkra hpe Madu Yesu hta manoi nna shi a mungga hpe madat la nna kamsham myit kaba hte hkawn sa na matu sharing ya nga ai. Anhte a prat hta e kamsham ai myit hpe shangan ya na matu hpyi la ga. Shi a mungga hta sak hkrung hkawn sa nna prat hpe gaw gap ga.
Sawn sum ru mai ai lam: Karai Kasang a hpung shingkang hta ngai gara hku nga sa nna sakse hkam madun dan na rai?
No comments:
Post a Comment