Thursday, 30 July 2015

YAW SHADA AI HTE GALAW SA WA NA LAM

Sak Hkrung Mungga Blog a yaw shada ai lam gaw Laban shani hti ang ai Chyum Mungga ni hpe mahta nna garan kachyan ai hte Wenyi n-gun la kyu hpyi lu na matu re. Grau nna mare buga hte tsan gang ai shara de du taw nga nna tinang a amyu ga hte nawku nlu shang lawm lu ai ni a matu madung dat shachyam shabra ai re.

Ndai Mungga hpe laban shani shagu htawn shana lu na matu Sak Hkrung Mungga Wuhpung kaw nna lit la htawn shana na re ai hpe ndau shana dat nngai. Ra rawng ai lam ni law law teng sha nga wa na re majaw chye madat hkam sharang ya rit ngu tau hpyi lajin dat nngai.

Karai Kasang a Mungga hpe hti madat myit sumru akyu hpyi let shani shana ra nga ai Wenyi N-gun atsam hpe yawng hkam la lu u ga ngu akyu hpyi ya dat nngai.

Sak Hkrung Mungga Wuhpung
Aung Nan, Myitkyina


Matut mahkai mai ai hkring dat:

1. philipmkn@gmail.com

2. francislzm@gmail.com
Labels:

2 comments:

  1. Francis Lahpai6 August 2015 at 21:49

    Ning gawn Karai Kasang a mau hpa shaman chyeju hpe shakawn kungdawn nngai law! ya na zawn, atsang arang rai nna Jinghpaw mungdaw Chyum Mungga Sasana magam dap a matu blog galaw ya let, ASak Hkrung ai Mungga hpe mu hti la na matu tsawra myit kaba hte lajang ya ai Slg. Kaiki Naw hpe chyeju dum dik ga ai.
    Ndai Sakhkrung Mungga blog hta Laban shani shagu na Chyum mungga ni hte myit sumru hpaji jaw ai lam ni hpe lajang mara mat wa na ga ai.
    Chyum Mungga Sasana magam dap a shamu shamawt ai lam ni hpe mung mai byin ai aten shagu hta post galaw mat wa na ga ai.

    Yawng a ntsa Wa Karai Kasang a shaman chyeju tut anga nga u ga law!!!

    Chyeju kaba sai!

    Francis Lahpai Zau Maw (+95 94000 10451)
    San Columban Chyum Mungga Sasana Magam Dap
    Myitkyina muklum
    Jinghpaw Mungdaw
    Ph: +95 979 3865200

    ReplyDelete
  2. Unknown7 September 2016 at 13:34

    Grai Hkrak sai Chyeju kaba sai law Wa Jau. Laga apologetic ni hpe Junghpaw hku lu mara yang kaja na re.

    ReplyDelete

Subscribe to: Post Comments (Atom)